Сярод нас ёсць людзі, якія прыкметна вылучаюцца з агульнай масы. Яны спагадлівыя, добрыя, сціплыя. Пры сустрэчы з імі адчуваеш прыліў жыццёвых сіл і бадзёрасці. Менавіта такімі якасцямі валодае і Надзея Пятроўна Гульвічэнка, якая любімай прафесіі аддала амаль 45 гадоў.
На такі роздум прывяла нядаўняя ўрачыстаць з нагоды 70-годдзя з дня нараджэння Надзеі Пятроўны Гульвічэнкі. Як члена ветэранскай арганізацыі, ў дзень юбілею яе запрасілі для ўрачыстага віншавання ў Гомельское абласное ўпраўленне аховы.
Нарадзілася Надзея Пятроўна ў Гомелі ў далёкім 1949 годзе. Сярэднюю адукацыю атрымала ў сярэдняй школе № 16 г.Гомеля, якую скончыла ў 1966 годзе. Свой працоўны шлях пачынала старэйшым статыстыкам інспектуры Дзяржстатыстыкі. У хуткім часе лёс прывёў яе ў сістэму органаў унутранных спраў. Надзея Пятроўна прайшла шлях ад машыністкі, аператара тэлетайпа да начальніка аддзялення рэжымна-сакрэтнай дзейнасці за 30 гадоў. У 2014-ым Надзея Пятроўна выйшла на заслужаны адпачынак.
Шматгадовая бездакорная праца ў упраўленні аховы не аднаразова была адзначана граматамі і лістамі з падзякай.
Загадам па Дэпартаменту аховы МУС Рэспублікі Беларусь № 74 л/с ад 10.07.2014 года Надзея Пятроўна занесена ў Кнігу Пашаны Дэпартамента аховы МУС Рэспублікі Беларусь.
У гэты святочны дзень ва ўрачыстай абстаноўцы ў гісторыка-дэманстрацыйнай зале Гомельскага абласнога ўпраўлення аховы ад імя асабовага складу і членаў ветэранскай арганізацыі юбілярку павіншавалі начальнік упраўлення палкоўнік міліцыі Аляксандр Лісімаў, намеснік начальніка ўпраўлення палкоўнік міліціі Васілій Прыходзька і старшыня ветэранскай арганізацыі палкоўнік міліцыі ў адстаўцы Сяргей Шаўлоўскі.
Роля такіх людзей, як Надзея Пятроўна, у сістэме аховы неацэнная, — адзначыў начальнік Гомельскага абласнога ўпраўлення аховы палкоўнік міліцыі Аляксандр Лісімаў. Да яе паступала вялікая колькасць ўваходных і выходных дакументаў. Усе дакументы яна прачытвала ад скарыначкі да скарыначкі. Памяць у яе — ўзрушаючая. Калі б ні спыталі яе, дзе знаходзіцца патрэбны дакумент, адразу ж, не гледзячы ў часопісы ўліку, казала, у якой справе яго трэба шукаць ці куды ён адпраўлены.
Як адзначыў Васілій Прыходзька, працоўны шлях Надзеі Пятроўны з’яўляецца прыкладам высокага служэння справе. Такіх прафесіяналаў, як яна, сёння не часта сустрэнеш.
Цёплыя і шчырыя словы ў адрас Надзеі Пятроўны выказалі былыя калегі, а таксама былі ўручаны Ганаровая грамата старшыні ветэранскай арганізацыі Дэпартамента аховы, падарункі і кветкі.
Гомельское областное управление охраны